KORONABIRUSALDIA 23

K O R O N A B I R U S A L D I A

BURUA

ASTINTZEN!!!

Egun on!

23. eguna

Koronabirus dalakok sortu diun etena osau, kezkea arindu ta ataundarron oroimen historikoa zaarberritzearren, gaur apirillak 6 izanik,  duela 37 urteko kuntu atzuk dijoazkizue:

1983a

– Besteak beste…

–  Otsailean elurra kaleraino astebetez.

– Patxi Ezkurdia apaizari omenaldia egin zitzaion San Martinen. Bertan izan ziren gotzaina eta 25 apez. Bitorrenean bazkaltzen 320 lagun.

– Arantzadikoak Arrateta kobazuloan izan ziren, 1975ean ataundar batzuek aurkitutakoa egiaztatzen.

– Ordiziako Dalton taldeak Jentilbaratzako eskalada-lekuaren planoa egin zuten; denbora luzez Bittorrene  tabernako mostradorean egon zen.

– Kerejetaenea etxeko Jose Leon Lasa Apalategi hil zen Bilbon 58 urterekin. Kalonge izana. Ikastolen sorreran ibilitakoa. Idazlea. Euskarazaintzakoa.

– Bilbon Eusko Ikaskuntzaren IX. Kongresuan sarrera hitzaldia eta amaierakoa Joxemiel Barandiaranek egin zituen, elkartearen buru baitzen.

– NONDIK 12 eta NONDIK 13 aldizkariak plazaratu ziren

-Udal-hauteskundeak: HB-428 (4 zinegotzi), EAJ – 466 (4) eta EE-121 (1). Alkatea Iñaki Arin Baztarrika HB eta EEkoen botoez.

– Serafin Jaka udaletxeko idazkari berria.

– 15 lagun soldaduskako tailaketan.

– Jaiotzak (SM 10, SG 3 eta A 1). Heriotzak (SM 12, SG 9 eta A 3).

– Uholdeak: 1983ko abuztuaren 26ko kronika:

“Goizeko 08:00etan jendea azaltzen hasi da kalera. Ibaiak gainezka egin du Iztatorren. Izugarrizko euri-zaparrada ari du. Plazako zubia ia gainezka eginda. Kalakaseneko zubia ez da ikusten. Tailerreko zubia ur azpian. Bidartekoa eta Barretxekoa ere berdin. Urbitarte-Tablatik gora ezin da pasatu. Iztatorko hiru etxeak urez inguratuta daude. Aitzarteko bidea ia urak eraman du, metro beteko zuloak utziz. Kurtuizko bidea ibai da. Tomas txatar-zaleari erreka ixkinako kotxe zaharrak eraman dizkio urak.”

–          …

Bihar arte!