KORONABIRUSALDIA 17

K O R O N A B I R U S A L D I A

BURUA

ASTINTZEN!!!

Egun on!

17. eguna

Koronabirus dalakok sortu diun etena osau, kezkea arindu ta ataundarron oroimen historikoa zaarberritzearren, gaur martxok 31 izanik, oaiñ dala 31 urteko kuntu atzuk dijoazkizue:

1989ko martxoa

– Besteak beste…

– 4an eskolako 8. mailako ikasleek ikas-bidaiarako talo-jana antolatu zuten (1.000 pezeta).

–Otsailaren 8an Lazkao eta Ataungo udalak aurre-hitzarmena sinatu ondoren, 3an Altzanipeko udal-bulegoetan izandako osoko bilkuran: Intsustiko ura Lazkaomendira ekartzeko  Aralegiko zelaian eta Amundarainen ur-kutxatila bana izango ziren. Emariaren %25a Ataungo baserrietarako eta gainerako %75a Lazkaomendikoentzat.  Aldeko botoak: (Inazio Auzmendi, Migel Arratibel, Dioni Galparsoro, Nikolas Goikoetxea, Joakin Goikoetxea eta Joxe Goikoetxea) eta aurka (Manuel Pérez eta Luzio Goikoetxea).

-Frontoi-kiroldegia egiteko lurrak Jose Antonio Auzmendi Garmendiari erosi zitzaizkion (2.100 m²  2.200 pezeta metro kuadroko). Aldeko botoak (Inazio Auzmendi, Migel Arratibel, Dioni Galparsoro, Nikolas Goikoetxea, Joakin Goikoetxea eta Joxe Goikoetxea) eta abstentzioa (Manuel Pérez eta Luzio Goikoetxea).

– 60 lagunek eskatu zuten herri-egurra -Marumendi eta Muski- (1.200 pezeta lote edo epaitzeko).

– Aitor Mendizabalek udaletxean jartzeko Joxemiel Barandiarani buruzko bi eskultura egiteko proposamena egin zuen.

-Txomin Peillenek irabazi zuen Joxemiel Barandiaran beka.

– Imanol Murua diputatu nagusia bisitan izan zuen Saran eta baita Leitzarango koordinadorako Jonan Fernandez bozeramailea eta Juan Martin Arrezibita Gorritiko bikarioa ere.

– Udalak Joxemiel Barandiarani omen egiteko batzordea prestatzen ari  zen.

– Paxkualitturri konpontzen ari ziren.

-Herriko etxe, zoru eta horma asko pintadaz beteriz zeuden.

-Xabier Arini Parisen egin beharreko epaiketaz Ataungo Amnistiaren Aldeko Batzordeak aurkeztutako mozioa (Herriko seme kuttun izendatzea, udalak epaiketara ordezkaria bidaltzea, …)  ez zen onartu; HBko zinegotziek alde bozkatu zuten.

– Elizbarrutiko Pastoral Kontseilurako Ordiziako Artziprestaldeko hautagaien artean zeuden Joan Auzmendi ekonomia-sailerako eta Joseba Barandiaran eta Aitor Auzmendi begiraletarako.

– Inazio Auzmendi zen alkate eta idazkari Serafin Jaka Arrizabalaga.

– Teodosio Korta Aierdi udal-langilea erretiroa hartzekotan zebilen.

– 22ko bilkuran Karmele Aierberen ordez, Joxe Mari Urdangarinek hartu zuen zinegotzi-kargua.

– Udaletxea berritzeko lanak (6.657.149 pezeta).

-Alkatearen proposamenez, Aberri Egunean udaletxeko balkoian ikurrina jartzea erabaki zen aho batez.

-Jose Luis Eskisabel Langraizko kartzelan zegoen preso sozialekin batera.

-Jesus Mari Arteaga Joan San Martin Arartekoaren laguntzaile izendatu zuen legebiltzarrak; Garbiñe Biurrun eta  Nieves Abaroa ere hautagai izan ziren.

– Zorion Muxika zen DV-kko Ataungo berriemaile eta Jexux Aizpurua Barandiaran DEIA-koa.

– AEK-k Bilbon aurkeztu zuen Korrika-6an mahaiko izan zen Joxemartin Apalategi.

-Kriselu argitaletxeak bultzatuta, 21 liburu aurkeztu ziren Barandiaranen omenez.

– Mendiurkullu eta Urrestararazu aldean sua izan zen.

Bihar arte!!!